Қазақстан Республикасының Тәуелсіздік күні

Қазақстан Республикасының Тәуелсіздік күні

Бүгін – тарихы тереңде жатқан еліміздің жаңа заманда өз алдына қайта егеменді ел болған күні, Қазақстан Республикасының Тәуелсіздік күні. Бұл күн еліміздегі тойланатын ең басты мемлекеттік мереке. Бұл күндері республика қызметкерлері үшін демалыс. 

1991 жылы 16 желтоқсанда Жоғарғы Кеңес Қазақстанның тәуелсіздігі және мемлекеттік егемендігі туралы заң қабылдады. Сондай-ақ бұл күн еске алу күні. Халық Алматының Республика алаңына 1986 жылғы желтоқсан құрбандарын еске алып құрметтеу үшін шығады.
Қазақстанның тәуелсіздік күні республиканың ең жоғарғы мемлекеттік мерекесі болып табылады. Бүкіл ел мерекелейді, сол оқиғалардың куәгерлерімен кездесу ұйымдастырылады. Сондай-ақ бұл күннің құрметіне мәдениет, спорт, саясат, өнер және өмірдің басқа да салаларындағы әртүрлі қызметкерлер марапатталады. Абақтыдағыларға рақымшылық жасалады. Барлық қалаларда, ауылдарда мерекелік іс-шаралар өтеді, кешкісін аспанға салют атылады.

Бастықтың тапсырмасы

Бір адамның қолданып жүрген принтері оғаш дауыстар шығарып, техникалық қызмет көрсету бөліміне хабарласады. Телефон тұтқасын көтерген қызметші тұтынушыға: Ешқандай ақаудың болмағанын, принтердің ластануынан оғаш дауыстардың шығатынын және оны тазалау керектігін айтады. Артынша: «Принтерді тазалау үшін бізге әкеліп ақша төлеп жатудың қажеті жоқ. Принтердің нұсқаулық кітапшасында қалай тазалау керектігін іздеп таба аласыз» дейді. Мұны естіген адам: «Көмектескеніңіз үшін үлкен рахмет. Бірақ техникалық қызметті осылай ауызша айтып, ақысын ала алмайтыныңызды бастығыңыз біле ме? Мұндай жолмен сіздер қалай ақша табасыздар?» дегенде қызметші былай жауап береді:

– Бұл біздің бастығымыздың берген тапсырмасы. Техникалық ақаулар шыққанда ең әуелі тұтынушыға бұл мәселеден қалай құтылу жолын айтып, телефонмен кеңес береміз. Тұтынушы өзі жөндеуге кіріскені үшін, осы арқылы жөндеудің бағасы ілгеріде одан да қымбатқа түседі.